Ngagai sida ke baru kala datai ba Bahagian Kapit, Sarawak,
sida sigi terkenyit enti meda orang benung ngangkat motosikal enggau barang
barang ke beratus kilo berat ya!
Kita sigi terkenyit enggau “ Badang Kapit’ ke bisi ngembuan
pengering ke luar biasa.
Bagi sida ke sida diau ba kawasannya,sigi udah biasa meda
pengawa sida ke baka nya.
Selain ke ngangkat motosikal, bermacam macam agi barang ke
berat di tanggung sida Badang Kapit ke ba terminal tu,baka almari,aisbok,mesin
gari enggau barang kebukai agi.
Bagi bala ba Kapit diak ke ka maie motosikal sida pansut
atau tama masuk ke Sibu – Kapit, motosikal sida selalu di simpan ba luan bot
express nya.
Pendatai ba Kapit, bala sida Badang Kapit tu diguna laban ba
Terminal Bot Express telalu renjan enti di banding kekitai enggau terminal ba
Bandar Sibu.
Orang ke ngangkat motosikal tu legi sigi ke tan serta nakal,
laban ka niki barang ke berat ngena anak tangga ke manyuh kena sida datai ke landai
terminal nya.
Orang ke empu motor atau barang ke di angkat bala Badang
Kapit tu mesti mayar ngagai orang ke empu bot express ngau meri upah ngagai
sida ke udah ngangkat motosikal sida ya. Selalu ya upah sida ia dalam RM20 –
Rm100 ,nitih nama utai kebarang enggau pemanyuh serta pemberat barang ke
ditanggung sida.
Admin AnakApai.com bedau kala kitu, arap ila ulih kitu meda serta
bertemu enggau bala Badang Kapit terus maie sida ber’selfie’ maya sida ngangkat
barangnya hihi.
0 comments:
Post a Comment