CERITA LUCU 18SX

GoLebuh begulai enggau Guro Kiai... Lalu keluar cherita kelulu pasal siku laki Iban ti jadi enggau bansa Penan. Bakatu cherita ia....

Nyadi sekali, lebuh Anjang nemuai ngagai menua entua ia, dia ia dibai entua ia ngasu. Sekali lebuh seduai ia mudik, dia dih seduai ia bepansa enggau seraban babi babas nyemerai meraka sungai. Laban ke sikar agi, jampat mih Anjang nangkap siku babi nya ti jelan ia pemesai. Ketegal entua ia ti ngemudi perau, nya mih entua ia meri jaku peransang...

"4mput igat... 4mput... 4mput jampat-jampat!"

Lama tudah Anjang ngenung... Nyau enda liat ati entua ia meda tudah Anjang nyau baka empelekung mabuk ambuh, dia dih entua ia merak tudah tuai...

"Ndaiiiii lapa nuan tegenung igat, 4mput jampat mih babi nya! Nama utai danti nuan agi!"

Sekali Anjang nyau enda tan agi... Tak empalung ke ia tudah babi nya lalu merak entua ia...

"Ti nuan ka, nuan ng4mput ia apai! Umur aku tu idup, enda kala aku ng4mput babi! Nya alai ti jadi enggau anak nuan!".

Tak sepanjai jalai seduai ia belaya betalat ke sapa salah ketegal siku babi nya. Entua ia bejaku Penan, ia nimbal ngena jaku Iban!

Ya mih datai ba rumah, alit ati bini ia lalu nanya tudah Anjang...

"Lapa seduai apai belaya lu?"

Pandak saut Anjang...

"Enggai jadi enda belaya aaa, maya bulih babi babas tadi, ngeringak tudah aku masung babi nya, angkat aku dasuh apai nuan ng4mput babi nya! Kemaya apai aku tu kala ng4mput babi!".

Engkakah bini ia ketawa lalu nyaut...

"Dih lu, 4mput ba jaku kami Penan ukai reti beleman! 4mput reti ia TANCHANG!".

Lelesey tudah Anjang! Baru nemu bini diri, entua diri bansa Penan! Berumban tudah tuai ngiga entua laki ia...

"Apai, udah tu, ti nuan ngasuh aku ng4mput babi, d4mput aku mih apai au!".

Laban ke agi ringat, nimbal tudah entua ia...

"Nadai ampun-ampun tu, babi lepas, jari bau tai! Nyin babi ujung bilik d4mput nuan! Jera beli!".

Hahahahahaha... Naka tu aja cherita kelulu aku ti dikunsi ke Guro Kiai au! Taja mua ia serius, tang ti ngaga cherita kelulu, anang ngelaban ia aaa, hahahahahaha... Nya aja, ila cherita baru... Tata titi tutu...

Word of the day... 4MPUT=TANCHANG!

"Dikelala buah ari langgu, dikelala bansa ari jaku!"


=======================================